Lankidetza publiko-pribatuko hitzarmen baten bidez, ANTOLATZAILEEK
–El Diario Vasco, Arrasateko Udala, Eusko Jaurlaritza, Kooperatiben Goren
Kontseilua, Konfekoop, MONDRAGON Korporazioa, Gipuzkoako Foru
Aldundia eta Mondragon Unibertsitatea– Mondragon City Challenge
lehiaketaren hirugarren edizioa aurkeztu dute. Ekintzailetza Kooperatiboko
Nazioarteko lehiaketa bat da, batxilergoko, heziketa-zikloetako eta
unibertsitateko ikasleentzat, ekintzailetza kooperatiboko jarrerak
sustatzeko eta gazteak eredu kooperatibora hurbiltzeko, antzeko eredu
batean oinarritutako enpresa-proiektuen garapenetik abiatuta.
PARTE-HARTZAILEAK
Mondragon City Challenge mundu osoko ikastetxeetako batxilergoko,
erdi- eta goi-mailako heziketa-zikloetako eta unibertsitateko ikasleentzat
da, ikastetxeok publikoak, pribatuak zein itunpekoak izan.
Ikastetxe bakoitzak nahi adina talde osatu ahal izango ditu, eta talde
bakoitza 2 eta 4 kide artekoa izango da, gehienez ere. Parte-hartzaileen
ikasketa-mailaren eta adinaren arteko orekari eusteko, antolatzaileek
kategoria hauek zehaztu dituzte:
- 16-18 urtekoen kategoria
- 19-24 urtekoen kategoria
GARRANTZITSUA: parte-hartzaileen adinak lehiaketan zein kategoriatan
lehiatuko den markatu behar du. Baldin eta talde bereko parte-hartzaileak,
adinaren arabera, kategoria desberdinetakoak badira (ikasturte akademiko
berekoak izan arren), parte-hartzaile gehienei dagokien kategoria
aukeratuko da.
Hamasei urte bete dituztenek edo uneko urte naturalean beteko
dituztenek parte har dezakete, bai eta izena emateko unean hogeita lau
urte baino gehiago ez dituztenek ere.
MONDRAGON CITY CHALLENGE ERRONKA
Mondragon City Challenge lehiaketaren hirugarren edizioko parte-
hartzaileek enpresa-proiektu bat hutsetik sortzeko desafioari aurre egin
beharko diote, honako erronka hauetako edozeini helduz:
- Erronka teknologiko eta digitala
- Digitalizazioa, Adimen Artifiziala eta Big Data, herritarren
zerbitzura dagoen Teknologia, Automatizazioa,
Zibersegurtasuna, ekonomia digital bidezko eta lehiakor baten
Sustapena, etab.
- Osasun- eta gizarte-arloko erronka
- Osasun-sistema, Arrisku pandemikoak, Demografia eta
zahartze osasungarria, Migrazioa, Genero-berdintasuna,
Zainketa-eredu berriak, etab.
- Erronka energetiko eta klimatikoa
- Neutraltasun klimatikoa, Energia-sistemaren
deskarbonizazioa, Baliabideen eta energiaren erabilera
eraginkorra, Mugikortasun jasangarri eta adimenduna,
Bidezko energia-trantsizioa, "From farm to table", etab.
Ezinbesteko baldintza izango da taldeak garatzen duen proiektua
kudeaketa-eredu kooperatibo batean oinarrituta egotea. Talde finalistek
epaimahai profesional baten aurrean defendatuko dute euren proiektua
2025eko apirilaren 10ean Arrasateko Amaia Antzokian egingo den
ekitaldian.
TUTOREAK ETA PRESTAKUNTZA
Mondragon City Challenge lehiaketan tutoreak egongo dira, ASEKOOP
enpresakoak (aholkulari senior kooperatibistak) eta Arizmendiarrietaren
Lagunak Elkartekoak, eta, zenbait kooperatiba-enpresatako zuzendari ohi
gisa duten esperientzia erabiliz, laguntza eta arreta emango diete gazteei.
Antolatzaileak arduratuko dira talde bakoitzari tutore bat esleitzeaz,
sailkatutako 20 taldeak zehaztu ondoren. Tutoreak esleitzeko irizpidea,
nagusiki, talde bakoitzak aukeratutako erronkari eskain diezaioketen
esperientzian oinarrituta egongo da.
Era berean, prozesuan zehar, prestakuntza bat emango da, tresna gehiago
eskaini eta proiektu bakoitzaren kalitatea indartzeko.
Gainera, antolatzaileek zenbait jarraibide jarriko dituzte parte-hartzaileen
eskura, "Enpresa Proiektu Kooperatiboaren Gida" dokumentuaren bidez,
proiektua egiten laguntzeko eta, horrela, denek gidoi berari jarrai diezaioten.
EPAIMAHAIA
Epaimahaiak prozesuaren zenbait unetan esku hartuko du, eta erakunde
hauetako adituek osatuta egongo da:
- Epaimahai teknikoa: Leartibai Fundazioak eta Saiolanek osatuta
egongo da eta, negozio berrien sorkuntza bultzatzen adituak diren
erakundeak izanik, haiek arduratuko dira proiektuen aurre-
hautaketaz. Gainera, ordezkari bat izango dute prozesuaren
gainerako faseetan ere.
- Epaimahai profesionala: sailkatutako 20 taldeak eta lehiaketako
irabazleak zein izango diren erabakiko du, eta hauek osatuko dute:
- Arrasateko Udala
- Eusko Jaurlaritza
- Kooperatiben Goren Kontseilua
- Konfekoop
- MONDRAGON Korporazioa
- Gipuzkoako Foru Aldundia
- Mondragon Unibertsitatea
- Nazioarteko Aliantza Kooperatiboa
- Epaimahai teknikoko bi ordezkari
LEHIAKETAREN DINAMIKA
Mondragon City Challenge lehiaketaren hirugarren edizioa proposatutako
fase eta data hauen arabera egingo da:
-
0.FASEA: IZEN-EMATEA: ENPRESA-PROIEKTUAREN IDEIA – Epealdia: 2024ko irailaren 9tik urriaren 25ra.
Aste horietan zehar, ikasleak www.mondragoncitychallenge.com webgunera sartu beharko du, eta han kontsultatuko ditu
Mondragon City Challenge lehiaketaren lege-oinarriak. Zalantzarik
izanez gero, antolatzaileei jakinarazi ahalko dizkie «Kontaktua»
izeneko inprimakia beteta. Izen-ematearen fasea amaitzeko, talde
parte-hartzaileek plataforman erregistratu beharko dute, eta behar
bezala bete beharko dute «Proiektuaren fitxa teknikoa» izeneko agiria. Atal hauek izango ditu:
- Taldearen izenordea
- Taldearen kategoria
- Parte-hartzaileen datuak
- Izena
- Abizenak
- Adina
- Hiria edo herria
- Herrialdea
- Helbide elektronikoa
- Telefono mugikorra
- Ikastetxea
- Taldeak eskainitako produktuaren edo zerbitzuaren izena (gehienez ere, 3 hitz)
- Erronka (Teknologikoa eta digitala / Osasun- eta gizarte-arlokoa / Energetiko eta klimatikoa)
- Enpresa-proiektuaren ideia
- Enpresa-proiektuaren deskribapen laburra (gehienez ere, 20
lerrotan. Taldeak azaletik eta gehienez ere 20 lerrotan azalduko
du zertan datzan proiektuaren proposamena, zer berezitasun
duen lehiari dagokionez, nolako kooperatiba sortuko duen, zer
ekarpen egiten dion negozioak gizarteari, bai eta nabarmendu
beharreko beste alderdi garrantzitsu guztiak ere).
- Bi galdera ireki (gehienez 1000 karaktere)
- Zuen proiektuak aurrera jarraitzen badu, uste duzue garrantzitsua litzatekeela eredu kooperatibo batean oinarrituta egotea? Argudiatu erantzuna.
- Zuen ustez, zer abantaila ekar diezaioke zuen ideiak gizarteari?
GARRANTZITSUA: talde bakoitzak fitxa tekniko bakar bat bidali
beharko du (inprimaki bakar bat bete) enpresa-proiektuaren ideia
helarazteko. Horretarako, hizkuntza hauetako edozein erabili ahalko
du: gaztelania, euskara zein ingelesa.
-
1. FASEA: PROIEKTUEN HAUTAKETA – Epealdia: 2024ko urriaren 29tik azaroaren 15era.
Denbora-tarte horretan, jasotako proposamen guztien artean,
garatzeko aukera handiena duten 20 proiektuak aukeratuko ditu
Leartibai Fundazioak eta Saiolanek osatutako epaimahai teknikoak,
enpresaren arloan duen esperientzian oinarrituta. Antolatzaileek
posta elektroniko bidez jakinaraziko diete parte-hartzaile guztiei
(sailkatuta daudenei eta ez daudenei) zein izan diren 20 sailkatuak,
2024ko azaroaren 18an. Gainera, www.mondragoncitychallenge.com webgunean argitaratuko da informazio hori.
Sailkatutako 20 taldeetako batek, hautatua izan ondoren, parte
hartzeari uko egiten badio, antolatzaileek epaimahai teknikoari
kontsultatuko diote eta sailkapen-rankingean hurrengoak diren
taldeak sartzea baloratuko da.
2. FASEA: PROIEKTUA SORTZEA – Epealdia: 2024ko azaroaren 18tik 2025eko otsailaren 17ra.
Sailkatutako 20 taldeek azaroaren 18tik otsailaren 17ra arteko epea
izango dute proposatutako proiektua garatzeko. Webgunean
dagoen "Enpresa Proiektu Kooperatiboaren Gida"" agiriak
planteatzen dituen gaiei erantzun beharko diete lanek; ondorengo
atalek osatzen dute agiri hori (gai bakoitzerako datak gomendatzen
dira, amaierako lana entregatzeko epea betetzeko):
- Enpresa-proiektuaren deskribapena: Gomendatutako epealdia: 2024ko azaroaren 18tik 28ra. Dokumentuaren gehieneko luzera: orrialde 1.
- Enpresa-proiektuaren azterketa (merkatua, lehiakideak, xede-taldea eta inguruneko baldintzatzaileak): Gomendatutako epealdia: 2024ko azaroaren 29tik abenduaren 23ra. Dokumentuaren gehieneko luzera: 5 orrialde
- Estrategia eta Proiektuak eskainiko duen produktu/zerbitzu
zorroa, eta Ekintza Plana (proiektua abiarazteko ekintzak eta iraunkortasuna):Gomendatutako epealdia: 2024ko abenduaren 26tik 2025eko urtarrilaren 20ra. Dokumentuaren gehieneko luzera: 4 orrialde
- Kostuak eta diru-sarreren iturriak: Gomendatutako epealdia: 2025eko urtarrilaren 21etik otsailaren 17ra. Dokumentuaren gehieneko luzera: 2 orrialde
Aste horietan zehar, talde parte-hartzaile bakoitzak bere proiektua
garatuko du, antolatzaileek adierazitako puntuetan oinarrituta. Talde
bakoitzak bere tutorearen laguntza izango du prozesu osoaren
jarraipena egiteko eta sortutako zalantzak eta bestelako kontuak
ebazteko. 2025eko otsailaren 17a izango da proiektuaren txostena
entregatzeko azken eguna. Azken dokumentua Mondragon City
Challenge plataformaren bitartez (www.mondragoncitychallenge.com) bidali beharko da,
antolatzaileek ezarritako formatuan eta baldintzetan aurkeztuta:
- Amaierako lana gutxienez 6 orrialdekoa eta gehienez ere 12koa izango da, eranskinak barne, hala badagokio. Paperaren neurria: DIN A4.
- Ez da onartuko plagiorik.
- Testuaren formatua: Nahitaez erabili beharko da Times New Roman letra-tipoa. 12 puntuko letra-tamaina erabili beharko da. Ez da onartuko eskuz idatzitako lanik. Espazio eta erdiko (1,5 lerro) tartea egon beharko da lerroen artean. Eskuineko eta ezkerreko marjinek hiru (3) zentimetrokoak izan beharko dute, eta goikoak eta behekoak, berriz, bi zentimetro eta erdikoak (2,5). Dokumentu osoan errespetatu behar dira marjina horiek.
- Lanak ezarritako epean igorri beharko dira, www.mondragoncitychallenge.com plataformaren bitartez, PDF formatuan eta taldeak behin betiko bertsio bat duenean (ez dira zatika bidaliko). Entregatzeko orduan, berriz ere taldearen izenordea emango da, baita berori osatzen duten kideen argazki bat ere.
- Entregatzeko gehieneko epea: 2025eko otsailaren 17a
3. FASEA:EPAIMAHAIAREN EBALUAZIOA – Epealdia: 2025eko otsailaren 18tik martxoaren 5era.
Epaimahai profesionalak 20 proiektuak ebaluatu eta 6 talde finalistak aukeratuko ditu, eta haiek beren proiektua defendatuko dute 2025eko apirilaren 10eko finaleko ekitaldian (kalifikaziorik handienak lortzen dituzten taldeak aukeratuko dira). «Balorazioa» atalean adierazitako irizpideari jarraikiz kalifikatuko dituzte proiektuak.
2025eko martxoaren 6an, antolatzaileek 6 finalistak zein diren jakinaraziko diete parte-hartzaile guztiei.
4. FASEA:AMAIERAKO DEFENTSA PRESTATZEA – Epealdia: 2025eko martxoaren 6tik apirilaren 6ra.
Talde finalistek aurrez aurre eta labur azaldu beharko dituzte beren proiektuak, aurkezpen dinamiko eta original bat erabiliz (PowerPoint, Prezi edo egoki iritzitako beste tresnaren bat erabilita). Antolatzaileek ezohiko eta justifikatutako kasuetan soilik onartuko dute defentsa modu telematikoan egitea. Talde bakoitzak 8 minutu izango du, gehienez ere, 2025eko apirilaren 10eko finaleko ekitaldian bere proiektua defendatzeko (antolatzaileak oso zorrotzak izango dira ezarritako denborari dagokionez). Aldez aurretik bidali beharko zaizkie aurkezpenak antolatzaileei, apirilaren 4a baino lehen.
Defentsa gaztelaniaz, euskaraz zein ingelesez egin ahalko da.
Talde bakoitzaren aurkezpenaren ondoren, epaimahai profesionalak proiektuarekin lotutako zenbait galdera egingo ditu.
-
5. FASEA: IBILBIDE KORPORATIBOAK ETA JARDUERAK – Epealdia: 2025eko apirilaren 7tik (nazioarteko taldeentzat) edo apirilaren 8tik (Estatuko taldeentzat) apirilaren 10era.
Sailkatutako 20 taldeek hainbat jarduera egingo dituzte eta elkarrekin biziko dira, esperientzia aberaste aldera. Antolatzaileak arduratuko dira bidaia ordaintzeaz eta sailkatutako taldeetako kideei Arrasaten ostatu emateaz, esperientzia hobetze aldera.
Parte-hartzaileek aukera izango dute enpresa kooperatibo baten jarduera bertatik bertara ezagutzeko eta bazkideen arteko berdintasun- eta ekitate-printzipioaren araberako kudeaketa demokratikoaren berezitasunetatik ikasteko. Era berean, profesionalek talde bakoitzaren proiektuekin lotutako gomendioak emango dizkiete parte-hartzaileei.
GARRANTZITSUA: Prozesu burokratikoen moteltasuna dela eta, erakundeak nazioarteko taldeei gomendatzen die pasaportea behar bezala ez badute (edo dokumentua 2025eko maiatza baino lehen iraungitzen bada) txapelketan parte hartzen hasten den lehen unetik kudeatzea (taldea sailkatua izan ala ez).
AMAIERAKO EKITALDIA: PROIEKTUA DEFENDATZEA – Eguna: 2025eko apirilaren 10a.
Amaia Udal Antzokia (helbidea: Otalora Lizentziaduna Kalea, 6, Arrasate) aukeratu dute antolatzaileek 6 finalistek beren proiektuak aurkez ditzaten eta, hala, Mondragon City Challenge lehiaketaren hirugarren edizioa amaitzeko.
Talde bakoitzaren defentsa amaitzean, epaimahai profesionalak proiektuarekin lotutako zenbait galdera egingo ditu. Taldeak galdera horiei erantzuteko duen gaitasuna ere kontuan hartuko da proiektu finalistak ebaluatzeko orduan (xehetasun gehiagorako, kontsultatu «Balorazioa» atala).
Ekitaldia apirilaren 10ean egingo da, eta han izango dira 6 finalistak, ikaskideekin, epaimahaiarekin, tutoreekin, enpresa aholkulariekin, lehenengo fasean sailkatutako gainerako 14 taldeekin eta lehiaketaren sustatzaileekin batera. Jardunaldi hori girotzeko, beste jarduera batzuk ere egingo dira.
IZEN-EMATEA
2024ko irailaren 9tik urriaren 25era arteko epea egongo da Mondragon City Challenge lehiaketan izena emateko; horretarako, www.mondragoncitychallenge.com webgunean dagoen inprimakia bete beharko dute taldeek.
PARTE-HARTZEA FORMALIZATZEA
Sailkatutako 20 taldeen parte-hartzea formalizatzeko, taldeok aldez aurretik Epaimahai Teknikoak hautatuak izan beharko dute, eta haien partaidetza babestuko duten tutore bat eta enpresa aholkulari bat esleituta izan beharko dute.
ENPRESA AHOLKULARIAK
Enpresa aholkulariek kooperatiba-enpresa baten errealitatea eta haren erronkak bertatik bertara ezagutzeko aukera emango diete sailkatutako 20 taldeei. Era berean, parte-hartzaileek beren proiektuaren feedbacka jasoko dute profesionalen eskutik, ekimenaren eduki pedagogikoak indartzeko.
BALORAZIOA
20 talde hautatzea. Epaimahai teknikoak, epaimahaikideen esperientzian oinarrituta, enpresa-munduan garatzeko aukera handiena dutela irizten dioten proiektuak sailkatuko ditu. Alderdi hauek baloratuko dira: jardueraren berrikuntza, enplegua sortzeko duen ahalmena, negozioaren egingarritasuna, idazketaren argitasuna, kudeaketa-eredu kooperatiboaren koherentzia, etab.
6 finalistak hautatzea. Epaimahai profesionalak 1etik 10era kalifikatuko ditu (10 izango da gehienezko nota) sailkatutako 20 taldeen proiektuak, aldagai hauek kontuan hartuta:
- Proiektuaren kalitatea (%5)
- Zenbateraino datorren bat ezarritako helburuekin (%20)
- Aukeratutako kudeaketa-eredu kooperatiboarekiko koherentzia (%10)
- Ideia gauzatzeko aukera (%10)
- Originaltasuna (epaimahaia harritzeko gaitasuna) (%5)
*Portzentajeek (%) aldagai bakoitzak azken notan duen pisua adierazten dute
Kategoria bakoitzean kalifikazio altuena lortzen duten 3 proiektuak izango dira 6 finalistak.
Irabazleak hautatzea. Epaimahai profesionalak, aurrez aipatutako aldagaiak baloratzeaz gain, 1etik 10era kalifikatuko ditu 2025eko apirilaren 10ean amaierako defentsa egitean kontuan hartuko diren beste gaitasun batzuk ere.
- Komunikazio-trebetasunak (%20)
- Erabilitako bitarteko materialak (%10)
- Epaimahai profesionalaren galderei erantzuteko gaitasuna (%20)
Azken notak (aldagai guztien baturak, dagozkien pisuak kontuan hartuta) erabakiko du zein talde izango den Mondragon City Challenge lehiaketaren hirugarren edizio honen kategoria bakoitzeko irabazlea.
"Originaltasunaren saria" aukeratzea. "Originaltasunaren" faktoreak aukera emango die finalista izan ez diren taldeei apirilaren 10eko amaierako ekitaldian diru-sari bat irabazteko. Aipatutako aldagaian puntuaziorik handiena lortzen duen taldea izango da irabazlea.
*Aurrez aipatutako kasuetako edozeinetan berdinketa gertatzen bada, epaimahaiak gainerako aldagaien kalifikazioak hartuko ditu aintzat, betiere ondorengo lehentasun-ordena hau errespetatuz, berdinketa haustea lortu arte:
- Zenbateraino datorren bat ezarritako helburuekin
- Ideia gauzatzeko aukera
- Aukeratutako kudeaketa-eredu kooperatiboarekiko koherentzia
- Epaimahai profesionalaren galderei erantzuteko gaitasuna
- Erabilitako bitarteko materialak
- Proiektuaren kalitatea
- Komunikazio-trebetasunak
- Originaltasuna
SARIAK
Mondragon City Challenge lehiaketaren hirugarren edizioko sei finalistek –hiru 16-18 urte bitarteko kategoriakoak eta beste hiru 19-24 urte bitarteko kategoriakoak– sari hauek irabazi ahal izango dituzte:
- 19-24 urte bitarteko kategoriako talde irabazlea: Nazioarteko bidaia, 7 egunekoa, hegaldia eta ostatua barne, lehiaketaren ondoren eta 2025. urtea amaitu aurretik gozatu beharrekoa.
- 16-18 urte bitarteko kategoriako talde irabazlea: Europara bidaia, 5 egunekoa, hegaldia eta ostatua barne, lehiaketaren ondoren eta 2025. urtea amaitu aurretik gozatu beharrekoa.
Kontratatutako hotelak ez badu janari-zerbitzurik, antolatzaileek dagozkion dietak estaltzeko zenbateko baliokidea emango diote taldeari (gosaria + bazkariak edo afariak).
Gainera, antolatzaileek "Originaltasunaren saria" emango diote lehen fasean sailkatutako gainerako 14 taldeen arteko proiekturik berritzaileenari. Sari hori 800 eurokoa izango da, dirutan, eta prozesu osoan zehar egindako ahalegina baloratzea izango du helburu. Sari ekonomikoari indarreko zerga-atxikipena aplikatuko zaio.
IRABAZLEAK HAUTATZEA
Mondragon City Challenge lehiaketaren amaierako ekitaldian aukeratuko dira irabazleak, 2025ko apirilaren 10ean, Arrasateko Amaia Antzokian. Epaimahai teknikoaren eta profesionalaren balorazioak erabakiko du zein izango diren lehiaketaren irabazleak.
AURREZ JASO EZ DIREN ALDERDIAK
- Taldeak lehiaketan jarrai dezan, ezinbestekoa izango da taldea 5. eta 6. fasean Arrasaten bertan egotea (2025eko apirilaren 7tik edo 8tik apirilaren 10era), esperientziaren ezinbesteko zati gisa. Bestela, taldea deskalifikatuta geratuko da.
- Mondragon City Challenge lehiaketako parte-hartzaile guztiek onartu beharko dute epaimahaiaren ebazpena. Haren erabakia apelaezina izango da.
- Antolatzaileek (enpresa aholkularia barne) ez dute izango enpresa-proiektuen jabetza intelektual edo industrialeko inolako eskubiderik, proiektuon jabeekin egin ditzaketen hitzarmenak gorabehera.
- Antolatzaileek eskubidea izango dute parte-hartzaileen eta/edo sariaren irabazleen datuak, argazkiak eta irudiak egoki irizten dizkioten komunikabideetan argitaratzeko, emititzeko eta hedatzeko, zozketa egin eta berehala zein beranduago, etorkizunean, egoki irizten dioten komunikazioan eta propagandan.
- Antolatzaileek eskubidea izango dute oinarri hauetan aurrez deskribatutako edozein atal aldatzeko.
- Deialdi honetan parte hartzeak berekin dakar oinarri hauetan jasotako xedapen guzti-guztiak onartzea. Oinarri hauetan jaso ez den edozein ezusteko epaimahaiak ebatzi ahal izango du.
